Ôziym trup?w na Sztauwajerach

- Jerrronie, jak mie ale łeb boli - pedzioł s?m do siebie k?misorz Hanusik, jak ino ôtwar ôczy. Richtich, downo już niy mioł takigo kaca, a kaca mioł prawie kożdego jednego dnia, bo, jak kożdy porz?ndny śl?nski chop, wypić sie lubioł.

- Ale jo je gupi! Po co jo tela pija, s?m sie robia krziwda - wajoł Hanusik, kej ôblykoł galoty. Ale wiedzioł, że mynij pić niy bydzie, bo śl?nski chop pić musi, a już na zicher policaj, śl?nski policaj z Wydziału Szpecjalnego.

Trza zaroz pedzieć, że k?misorz Hanusik mioł prawie richtich dobry pow?d do picio. Pierzińsko utropa: ôziym umrzik?w we sztyry tydnie. Ôziym trup?w ôd czasu, jak znodli piyrszego na Sztauwajerach. Sztyjc tyn s?m muster: mody karlus abo modo frelka fajeruje w kerymś szynku na Mariackij, a niyskorzij, jak idzie do d?m, traci sie kajś wele Sztauwajer?w. A na drugi dziyń zawdy ftoś znojdzie trupa we kerymś stowie. Wiad?mo, że to niy ma żodyn seksualny maniak, bo żodnyj ze sztyrech frelek niy zgwołcił. Wiad?mo, że żodyn ajnfachowy kradziok, bo żodnymu nawet bajtlika niy wzi?n. Czysto sprawa - psychopatyczny, seryjny mordyrz, kery zabijo ino skuli tego, coby zabijać. Możno je rod, że bez te pora sykund czuje sie choby pon życio i śmiyrci? Gorzyj, co niy ma żodnych ślad?w, żodnych podejrzanych. Psinco, a trup?w na zicher bydzie wiyncyj. Jezderkusie, takij sprawy sam niy b?ło ôd czas?w Marchwickigo... A ôn, Hanusik, mo go znojść. Tela, co blank niy mo pojyncio, kaj tego gizda szukać!

Hanusik wejrzoł na zygor. - Jeronie, już trzi ćwiyrci na jedna - pedzioł s?m do siebie i wtynczos kapnył sie, że je niedziela, a ôn mioł jechać na ôbiod do swojij ?umy na Nikisz. Niy b?ł tymu szpecjalnie rod, bo ?uma zawdy buczała skuli tego, że je ôżyrok, a ku tymu zaś bydzie musioł jij tuplikować, czamu taki stary chop durś niy znod sie baby. Ale wiedzioł tyż, że ?uma na zicher uwarzi mu normalny ôbiod, a po cołkim tydniu kebabowego kustu rod by co k?nkretnego pomaszkecił. Jak pomyśloł ô gumiklyjzach, roladzie i modryj kapuście, to hnet mu sie zrobiło lepij. Ôblyk ôstatnio wybiglowano, bioło oberhymda, jako znod we szranku, na nia swoja staro jak świat, czorno lyjderjakla i wyszoł z d?ma.

***

- Jak tam, synku, znod żeś to już jako gryfno frela? - spytała sie ?uma Hanusikowo i postawiła na biołyj tiszdece talyrz zupy z nudlami. Hanusik udoł, że niy słyszy pytanio i chci?ł zmiynić tymat godki.

- M?m terozki tako fest ciynżko sprawa w robocie... Słyszeliście możno, ?umo, ô tych modych karlusach i frelkach, co to ich na Sztauwajerach znodli?

- A, dej mi pok?j, fto to widzioł, żeby porz?ndno dzioucha smykała sie kajś po nocy?! Dobrze im tak, dyć to jakieś fuchtle być musiały! Chcesz, synek, magiwyrfel do tyj zupy?

- Katać tam fuchtle, co wy godocie? Normalne dziouchy. Czasy s?m teroz inksze. Jak wyście modo byli, to żeście nic niy śmieli, terozki je inakszyj.

- Jo tam swoje wiym. Jak jo bych nazod do d?m prziszła po cimoku, to bych ale szmary zebrała. Ale co, niy umicie znojść tego gizda, co ich zabijo?

- No, genau... Za pier?na niy wiym...

- Niy godej tak brzidko, synek! - wlazła mu ôroz w godka zeszterowano Hanusikowo, kero zicła sie po drugi str?nie stoła.

- Dejcie pok?j, ?umo, katać jo brzidko god?m? Dyć to je dwudziysty piyrszy wiyk. Dzisiej "pier?n" to je normalne sł?wko. Jakbyście słyszeli, jak ludzie poradzom wyklinać, to by w?m sie gupie zrobiło...

- Jo tam już tego niy chca suchać. Wszysko skuli tego gorolstwa! Naskludzało sie tego tukej i zaczli tak brzidko godać. Żodyn porz?ndny Śl?nzok tak godać niy bydzie! Jakby niy ône, to byś już downo, synek, b?ł inspektorem, a niy ino durś ajnfachowym k?misorzym. Jo ci to god?m, Śl?nzok zawdy bydzie...

- Dejcie pok?j, ?umo... Tak jak god?m, niy ma żodnych ślad?w, żodnych podejrzanych, żodnych poszlak?w! - borok tak sie znerwowoł, że aże sie załknył, a nudel wylecioł mu z gymby i wpod nazod do talyrza.

- A bo to piyrszo tako sprawa? - ?uma Hanusikowo szczeliła macha "wiym wszysko nojlepij, ale i tak w?m niy powiym" - Pamiynt?m, jak za modu m?j ujek Rudolf pił gorzoła z s?msiodym Papierniokiym, tym, co to chowoł te psy...

- Ja, ja, zn?m ta historyjo. Papierniok go zaciukoł i nafutrowoł nim psy.

- Abo ta krowa, synek... Godałach ci, jak moimu tacie straciła sie krowa, ta, co dostoł ôd Korfantego za to, że welowoł za Polsk?m? Mamulka cołkie życiy ryczeli na niygo, że przepił ta krowa, a ôn durś wajoł, że to niy ma jego wina...

- Zaś sie w?m wszysko pokićkało. Krowy żodyn niy wzi?n, bo żeście jij nigdy niy mieli. Korfanty ino j?m ôbiecoł, a psinco w?m doł.

- Ale niy kożdo sprawa do sie wyerklerować, synek, przeca ô tym wiysz. Niyroz je tak, że na rozum niy do sie czegoś...

- Wszysko sie do wyerklerować, ?umo.

- Jo tam swoje wiym, jo wierza we duszyczki. A ciebie sie zdowo, że fto n?m dowo znaki?

- Niy wiym, fto w?m dowo znaki, ale chci?łbych, żeby doł mi jaki znak, kaj m?m szukać tego pier?... tego mordyrza.

- Pamiyntosz, synek, ta noc, jak twojigo ôjca zasuło na grubie? Pamiyntosz?

Hanusik pamiyntoł, katać by mioł niy pamiyntać? Mioł wtynczos piynć lot, ôjciec mioł nocka, a ôn ôstoł u ?umy. Genau ô tyj godzinie, kej t?mpło na grubie, kloper ślecioł z hoka, chocioż durś tam wisioł i żodyn go niy tykoł. Tak po prowdzie, Achim Hanusik wierził w roztomajte stworoki i inksze pier?ństwa, ino że majerantnymu k?misorzowi Hanusikowi niy pasowało wierzić w takie gupoty.

- Ja, ja, synek, niy wszysko do sie wyerklerować na rozum... A godałach ci, jak staro Żymlino znodła podciepa zamiast swoigo bajtla?

- Co wy zaś fandzolicie? - znerwowoł sie zaś Hanusik - Dyć Pyjter Żymła robi terozki zy mn?m, normalny karlus, a niy żodyn podciep. Pomyśleliście chocioż roz, jak ôn sie musioł czuć za bajtla? Ino ludziom krziwda robicie takim fulaniym!

Jakieś trzidziści piynć lot nazod cołki Nikisz godoł ô tyj sprawie. Staro Żymlino, kero b?ła k?ncek pit?mo, narobiła larma, że dioboł wzi?n jeji bajtla i zamiast niygo doł podciepa. Wszysko bez to, że mały Pyjter mioł srogo gowa i ryczoł skuli bele czego. Ftoś pedzioł Żymlinie, że jak taki podciep dostanie sroge szmary, to dioboł sie zlituje, przidzie po niygo i weźnie go nazod. No i zaczła loć boroka kloprym po rzici, a tyn ryczoł coroz to głośnij i głośnij. Yntlich zamiast diobła prziszła Milicja Obywatelsko i zebrali Żymlinie bajtla. Gupio baba poszła do wiynziynio za znyncanie sie nad bajtlem, a Pyjtra dali do d?mu dziecka. Ôd tamtego czasu ôstała mu srogo sympatia do milicjant?w, kerzi po prowdzie uretowali mu życiy. Sympatia b?ła tako, że majerantny Pyjter Żymła s?m poszoł za policaja i terozki b?ł partnerym Hanusika w Wydziale Szpecjalnym. Hanusik z pocz?ntku mioł ciynżko przekonać sie do Pyjtra, ale yntlich prziszoł ku tymu, że Żymła je normalny chop, co to i wypić sie lubi, i robotny je. Skuli tego fest go nerwowało, że ?uma Hanusikowo durś fandzoliła takie gupoty.

- Pyjter to je terozki m?j kamrat i m?j partnyr w robocie i niy chca, co byście tak ô chopie godali. Jużeście mu za tela, wszyskie klajcbaby, narobiły ôstudy za bajtla - pedzioł Hanusik i ôdstawił talyrz na znak tego, że tymat mo za zawarty, i na znak tego, że czeko na drugie daniy.

- No, jo tam swoje wiym - pedziała cicho ?uma Hanusikowo - A jak wyerklerujesz to, jak Hitler d? mie szczyloł afy z ôbrozka? Godałach ci to?

- Jakiś milij?n razy. Docie mi yntlich pojeś?! - pedzioł doś frechownie k?misorz Hanusik. ?uma, tyż znerwowano, poszła do kuchni.

***

Achim Hanusik i Pyjter Żymła stoli we wiecz?r przed klubem "Szaufynster" na Mariackij. Żymła kurził cygareta, a Hanusik, kery ciepnył, muldoł kałguma. "Szaufynstra" ôtwarli niydowno, ale hnet stoł sie, jak to godajom modzioki, kultowy, skiż tego ôba policaje musieli wystoć swoje we raji, zaczym prziszli dran i mogli wlyź do klubu. Kożdo noc fajerowały sam roztomajte sztudynty i niy ino. A nojważniejsze, że w "Szaufynstrze" ôstatnio noc swoigo życio spyndziło piynć ze ôźmiu ôfiar mordyrza ze Sztauwajer?w.

- Jo ci god?m, chopie, mordyrz to musi być jedyn z nich, możno prawie nos mijoł - pedzioł Żymła, jak już tam wlyźli - Na zicher to je tak. Tańcujom i pij?m wroz gorzoła, pra? Wtynczos ôn za nimi idzie, zaciuko ich kajś we krzokach i wciepuje do stowu. Możno bez cufal go sam trefiymy.

Jedna rzecz ôstała blank tako sama u Pyjtra z czas?w, jak ôba z Hanusikiym b?li bajtlami. Łeb mioł glacaty, k?ncek kanciaty i niyproporcjonalnie srogi do reszty cołkigo Pyjtra. Skuli tego frechowne rojbry na placu godali na niygo "telewizor". Gryfny tyż nigdy niy b?ł, t?ż i freli znojś sie nigdy niy poradził. A że Hanusik tyż niy nadowoł sie do monogamii, to chopy wtedy ôwdy po robocie szli na piwo i tak sie ôroz porobiło, że b?li partnyrami niy ino we robocie, ale i kamratami po fajrancie.

We klubie fest woniało parfinami i cygaretami. Policaje kupili po piwie, coby sie niy ciepać w ôczy i zicli sie wele szynku. Hanusik zacz?n filować po ludziach. Tam, kaj siedzom takie dziwne karlusy z kolorowymi kudłami, to na zicher musz?m być jakie artysty. K?misorz niy umioł strzimać artyst?w, bo to fest maszketne ludzie. Z eki co chwila b?ło słychać jakieś śpiywki po niymiecku, a wele stolika stoła epno śl?nsko fana. Tam siedzieli i pili piwo chopy ze stowarziszynio Nowy Lepszy Śl?nsk. Fajne karlusy, kere jak ino sie trefili, to zawdy mieli kupa p?mysł?w, co by zrobić, coby sie kożdemu sam lepij żyło. Ino jak na drugi dziyń sie budzili, to żodyn niczego niy poradził sie sp?mnieć. W drugij ece ôboczyli trzi frele, kere ku nim roz za kedy kukały. Hanusik i Żymła wejrzeli na nie ino roz. Ôba dobrze wiedzieli, że ône i tak niy godajom z chopami z geltagiym bez nojmynij piynciu cyfr.

- Pomyśl, chopie, kożdy z nich to może być nasz mordyrz - pedzioł Żymła, kery tyż durś kukoł po sali. Hanusik zacz?n sztaunować: jedyn z artyst?w mioł taki frechowny pysk, trza na niygo dać sie poz?r. A ta ryszawo, gryfno frela w mini?wie? Toć, fto pedzioł, że mordyrz to musi być chop? Przeca kożdy wiy, że ryszawe je zawdy frechowne, a ôna wygl?ndo na dość wyzgerno, tako, co poradzi sie schować i jak chopa dobrze piźnie ôd zadku we gowa to... ?uma zawdy godali: "Ryś, pyś, puternoga, to ôd diobła ôdernoga".

Hanusik i Żymła filowali na ludzi i pili piwo.Po trzecim k?misorz kapnył sie, że jakby tak prawie terozki wloz ftoś w tresku, na kerym stoło: "To jo żech ich zabił", to miołby ciynżko go zaaresztować.

- Ida do haźla - Pyjter Żymła wloz Hanusikowi we te medykowaniy. K?misorz ôstoł s?m. Ôroz ôboczył, że wele niygo zicła sie gryfno frela. Szlang?wa miała dugie bl?nd wele i kr?tko kecka.

- S?m żeś je tukej? - zagodała do niygo ze seksownym, śl?nskim akcyntem i ciepła mu ślypko.

- Wiysz, kożdy z nos s?m sie rodzi i s?m umiyro - ôdpedzioł k?misorz pomału i tak trocha filozoficznie - Za to ty, widza, żeś je pier?nem zmysłowo.

- Niy, jo niy ma z Mysłowic - b?ło fest larmo, jak to zawdy we klubie - Jo je ze wsi, ale miyszkom terozki tukej, na Paderewie.

- Aha.

- Wygl?ndosz na chopa, kery mo jakoś srogo utropa - napoczła go bam?ncić bl?ndyna.

- Dzioucho, a fto sam na Śl?nsku niy mo problym?w?

- Dobra, powiym tak: co tako frela jak jo musiałaby zrobić, coby iść z tob?m do lyża? - zachichrała sie zolytnie.

- Normalnie to styknie, że zaklupie na dźwiyrze...

- Ja, ale sk?nd jo bych miała wiedzieć, kaj ty miyszkosz?

K?misorz sztaunowoł chwila. Niyrod dowoł inkszym swoja adresa, do tego w chaupie mioł bajzel i b?ło mu gańba.

- A możno p?dymy do ciebie? - pedzioł.

- Dobra, to p?dź d? mie, na Paderewa.

- Musza ino pedzieć moimu partnyrowi, że ida - Hanusik ôroz sp?mnioł sie, że s?m sam niy prziszoł.

- Twojemu partny... Ty, tyś chyba niy je ale... - dzioucha trocha sie chyba wylynkała.

- Niy, niy. Niy ô tym god?m! Chci?łech pedzieć: kamratowi, no, tymu, co żech z nim poszoł do haźla... Co jo god?m... Tymu, co żech z nim sam prziszoł, ale ôn terozki poszoł do haźla... - Hanusik spokopił, że bez te sztyry piwa, co je mioł wypite, s?m niy wiy, co beblo.

- Dobra, dej już pok?j, i tak mi sie podobosz. Idymy d? mie - zak?mandyrowała bl?ndyna, rozśmioła sie i pokozała wszyskie zymby. K?misorz ôboczył, że mo je fest ż?łte i jakieś krziwe. Pomyśloł, że to na zicher skuli cygaret?w, ale po sztyrech piwach b?ło mu i tak egal.

***

- P?dymy na skr?ty, ja? Bez Sztauwajery? - pedziała bl?ndyna, jak już wylyźli ze "Szaufynstra" i szli ku Paderewie.

- Bez Sztauwajery? A niy ma ci strach? Słyszałaś ô tych ôźmiu trupach? - spytoł sie k?misorz.

- Tyś je taki strachliwy, ja? Mie tam niy ma strach, złe sie złego niy chyto - zachichrała sie fidryna i pokozała rynkom na keryś blok - Miyszk?m w tamtyj chaupie. Wynajmuja miyszkanie z kamratkami, ale dzisiej ich prawie niy ma. Pojechały nazod na wieś, w polu robić.

Jak sztopli na chwila wele piyrszego stowu, Hanusik drap wytrzyźwioł i zacz?n filować, czy aby kajś w krzokach niy ôboczy tego gizda, za kerym tela tydni cichtowoł. Frelka psinco sie z tego robiła. Durś sie chichrała, dowała mu kusiki i godała ô gupotach. Yntlich prziszli ku jeji chaupie. Ôroz w siyni zrobiło sie blank cima.

- Pier?nie, nic sam niy widać. Na zicher sie w?m byrna przepoliła - pedzioł k?misorz.

Wtynczos kole jego gowy pokozała sie epno, świyconco kula, tak nogle, że sie aże wylynkoł.

- Ô, dziynki! Downo żech cie niy widziała. Przidosz sie. - pedziała frela.

- Z kim ty godosz? - spytoł sie Hanusik, kery żodnygo niy widzioł.

- To? Nooo... Nasz wachtyrz...

- Ô tyj godzinie mocie wachtyrza, kery w?m świyci? No nic, chwała P?nb?czkowi, że niy społ, bo idzie krapyki sam połomać.

- Eee! - dzioucha szczeliła macha, jakby j?m co zabolało - P?nb?czka do tego niy miyszej. Taki żeś je religijny?

- Jo i religijny? Niy, niy. Jo je fest mroczny, jak ta gruba, na keryj mi fatra zasuło. Żyja w grzychu.

- No i dobre.

- Ale ty niy mosz jakigo chopa? Bo wiysz, religijny żech niy ma, ale m?m zasady...

- Pora rok?w nazod miała żech sie hajtać, ale w s?m dziyń weselo stała sie tragedyjo... Ino że jo niyrada ô tym god?m. Muszymy?

- Godać? Toć, że niy muszymy, godka je przereklamowano. - pedzioł Hanusik.

Wlyźli do jeji miyszkanio na czwortym sztoku. Frelka znodła kajś wino i zaczli swoja upojno noc...

***

K?misorz Hanusik zaś sie ôbudził na kacu. Ino że terozki niy we swoim lyżu ino w ciasnyj ajncli ze zmaraszonym bifyjem, na kerym stoła pr?zno flaszka z modrymi kwiotkami. Na gipsdece ôboczył jakeś fleki. Potrzebowoł pora sekund, coby sie sp?mnieć, sk?nd sie wzi?n w tyj ajncli, byzuch we "Szaufynstrze" i bl?ndyna, z kerom poszoł do lyża. Ale terozki w lyżu b?ł s?m. Wejrzoł na zygor: za piynć dwanosto. Klara fest świyciła bez takie maszketne, p?marańczowe forhangi. Łeb zaś go boloł fest i rod by sie powajoł, ale ôroz usłyszoł głos frelki z łaziynki.

- Durś nynosz?

Hanusik ze wszyskich sił pr?bowoł sie sp?mnieć, jak ôna sie mianuje. Niy poradził. Lygnył sie nazod na zyg?wku i wystynkoł:

- Już stowom.

Bl?ndyna wlazła do izby po sagu, z lajbikiem w rynce. Terozki, po jasnoku, Hanusik ôboczył, co blank niy b?ła tako gryfno, jak mu sie prz?dzij zdowało. Kudły potargane, niywysztiglowano, fest chudo, z ż?łtymi zymbami, na kerych miała jakieś żelozne pl?mby. Ale i tak durś miała coś, co go ku nij ci?ngło.

- P?dź sam d? mie - pedzioł k?misorz, bo s?m niy mioł siły ślyź i sie ôblyc.

Bl?ndyna ze szw?ngiym ciepła sie do lyża i ôroz już siedziała na nim. Chyciła go za hyrt?ń i udowała, że go dusi. K?misorz pomyśloł, że robi go za bozna i zacz?n sie śmioć.

- Ty giździe, połednie, a ty sam śpisz, zamiast robić, co do ciebie przinoleży? - frelka chichrała sie zolytnie i dusiła go coroz to mocnij. Ôroz Hanusik kapnył sie, że to już niy s?m bozny.

- Dobra, ust?ń, już stowom... Ykh... Czekej, bo mie udusisz... Słyszysz? Przest?ń! Niy poradza dychać! Dej już pok?j...

Wejrzoł na jeji faca i spokopił, że to niy s?m graczki. Zrobiła sie blank poważno, a jeji wysztrekowane rynce coroz mocnij go dusiły. Skacowany Hanusik wiedzioł, że niy mo za tela siły, coby sie ôd nij uwolnić. Ôroz lyże niy szczimało tego huśtanio i zynkło sie, a materac z k?misorzem i frelkom ślecioł na zol.

- Dziynki ci, Ponb?czku, za te lipne meble z Ikei - rozśmioł sie Hanusik.

- Co ty mosz z tym Ponb?czkiem? Coś je, kapel?nek?! - rykła frela i terozki derech b?ło widać, jakie mo ôszkliwe zymby.

Ale wtynczos Hanusik już mioł inicjatywa w tyj chaji. Piznył j?m lewym siyrpowym we faca, aże sie przekopyrtła, gibko znod kajdanki w kapsi swoigo mantla i za chwila gizd-baba ôstała leżeć na zolu, a piana loła sie z jeji pyska.

***

Achim Hanusik i Pyjter Żymła siedzieli w gabinecie Hanusika na k?misariacie. Żymła prawie przysmyczył papi?ry.

- Sprawdziłżeś j?m? Mosz coś? - spytoł Hanusik, kery durś chytoł sie za bolawy hyrt?ń.

- Nic szpecjalnego, chopie - pedzioł Pyjter - Mianuje sie Krista Połedniok. Normalno motyka, fuchtla, połno sam takich. Bydzie piynć lot, jak sie skludziła do Katowic. Bezma kajś ze wsi wele Pszczyny. Notowano za prostytucja. Wcześnij niy b?ła agresywno, musiołżeś j?m czymś znerwować.

- Niy, niy - Hanusik zamyślił sie - Jo m?m taki gyfil, że to mo coś wsp?lnego z nasz?m spraw?m. Jo we cufal niy wierza.

- Ale ô co sie sam może rozchodzić, chopie? Jak sie zadowosz z fuchtlami, to potym mosz takie przigody. A mordyrza jak my niy mieli, tak niy m?my.

- Sprowdź jeszcze jeji n?mera telefonu, klijynt?w i tak dalij.

- Jużech to zrobił, chopie. Je tam jedna doś znano persona.

- Fto?

- J?zef Walynciok. Coś ci to godo?

Toć, że godało. J?zef Walynciok - prezes Wszechg?rniczego Zwi?nzku Zawodowego "Hajer", keremu kyjzynblaty dały miano "Piyrszego Hajera Śl?nska". Epny chop, kerego boł sie kożdy polityker, niy ino sam na Śl?nsku, ale w cołkij Polsce. Stykło, że Prezes Walynciok tak pedzioł i sto autobus?w ze znerwowanymi hajerami jechało na Warszawa ciepać koktajle Mołotowa i loć kilofami borok?w policaj?w. To skuli niyustympliwości J?zefa Walyncioka żodno partia w Polsce ani niy śmiała tykać tymatu posyłanio hajer?w na wcześniejszo pynzyjo, a ô zawiyraniu grub?w niy b?ło godki.

- Pier?nie, a wetnołbych sie, że taki chop jak J?zef Walynciok rodszyj mo gryfniejsze frele - pedzioł s?m do siebie Hanusik.

***

Hanusik i Żymła zaklupali na dźwiyrze i wlyźli do biura Wszechg?rniczego Zwi?nzku Zawodowego "Hajer". J?zef Walynciok pedzioł, że ja, pogodo z nimi, ale zaroz dodoł, że mo mało czasu. Siedzioł na zeslu i dziwoł sie choby na jakichś gupielok?w. Na stole mioł leżeć złoty aszynbecher i filok, kery kosztowoł tela, że z geltagu policaja niy szłoby na niygo uszporować i bez cołki rok. B?ł to srogi chop ze siw?m brod?m, ôblyczony w elegancki ancug ze złotymi kneflami. Mioł westa i modry binder, a z kapsy wystowoł mu k?ncek biołego taszyntucha. Hanusik widzioł go prz?dzij ino we telewizorze, ale mioł dziwny gyfil, że sie już kajś trefili.

- Jak moga w?m pom?ż? - spytoł Prezes.

- Chcymy ino sie ô coś spytać. - pedzioł Żymła - Znocie tako baba jak Krista Połedniok?

- Piyrsze słysza, fto to je?

- Motyka tako, ôskarżono ô pr?ba zamordowanio policaja. Wasza n?mera znodli my w jeji telef?nie.

- Niy gorszcie sie, ale chyba w?m sie niy zdowo, że zn?m ze miana kożdo jedna fuchtla.

- Ale prziznowocie sie do korzystanio z jeji usług? - spytoł sie Żymła i powyciyroł swoja wielo gowa taszyntuchym, bo tako godka zawdy fest go mynczyła.

- Blank możliwe, ale to chyba niy ma niylegalne, pra? - ôśmioł sie Prezes Walynciok - Chcecie mie zawrzić za seks pozamałżeński?

- Jo myśla, że wos szłoby ôskarżyć ô kupa inkszych rzeczy - wyrwało sie Pyjtrowi. Pyjter niy mioł hajer?w w zocy, a zwi?nzkowc?w to już nojmynij. Szterowało go, że durś robi?m sztrajki i chaje i pier?m policaj?w kilofami.

- Dej pok?j - sztuchnył go Hanusik, kery s?m mioł fatra hajera.

- Chopy, nic niy wiym ô ty waszyj Kriście, a że chop roz za kedy musi sie zabawić, to wiad?mo. M?m ciynżko robota. Wiycie, co to je br?nić g?rniczych przywil... tfu! Ôdwiecznych praw naszyj branży?

- Ja, ja. Robicie ino chaje, a co mo z tego taki borok, normalny hajer? Kej żeście ôstatnio na dole b?li? - wyrychlił sie Żymła.

- Synek! - J?zef Walynciok tyż sie już trocha znerwowoł - Jo żech pomogoł hajerom, jak wos jeszcze na świecie niy b?ło! Ani waszych fatr?w, ani ?up?w...

- No, poleku! My zaś niy s?m takie mode. Niy r?bcie ze siebie takigo starzika - pr?bowoł załagodzić naszpanowano sytuacjo Hanusik.

- No, byście sie zdziwili, kejbyście wiedzieli, wiela jo m?m lot. - ôpamiyntoł sie k?ncek Prezes WZZ "Hajer" - Ale dobra, m?m roboty w pier?ny. Chcecie sie jeszcze ô coś inkszego pytać? Bo jak niy, to...

***

K?misorz Hanusik przijechoł nazod do d?m niyskoro, już po cimoku. Ôd razu kapnył sie, że coś mu niy sztimowało. Dźwiyrze b?ły ôdemkniynte, chocioż pamiyntoł dobrze, że jak w niedziela broł sie do ?umy na ôbiod, to na zicher wszysko pozawiyroł. Seblyk szczewiki we siyni i po cichu wloz do antryju. W chaupie b?ł bajzel, jeszcze wiynkszy jak tyn, kery ôstowioł normalnie. Dźwiyrze do izby ôtwarte b?ły do mola i ftoś tam r?mplowoł. Hanusik wyci?ngnył pistoula i wloz rajn. Ôboczył małego chopka, kery sznupoł mu we szranku.

- Niy ruszej sie! - pedzioł k?misorz. Kradziok tak sie sk?ncetrowoł na sznupaniu, że ani sie niy spodziewoł, że ftoś wlyzie do chaupy. Pomału ôbr?cił sie ôd szranku.

- Zn?m cie, ty ôchyntolu - pedzioł k?misorz, jak ino ôboczył jego faca - Ty sie mianujesz Poliwoda, Hanek Poliwoda. Chyba ze trzi razy żech cie już zawar, kradzioku pier?ński. Czego sam szukosz?

- Jeronie, panie Hanusik, niy gorszcie sie. Kozali mi! - zacz?n szkamrać kradziok - Jo w?m powiym, wszysko w?m powiym, ino schr?ńcie ta pistoula.

K?misorz wyci?ngnył kajdanki i aresztowoł Poliwody. Wtynczos wybroł na mobilnioku n?mera ôd Żymły.

- Pyjter? Godo Achim. Jeżech w d?ma. Prawie żech sam znod jednego lebra. Pamiyntosz takigo paciuloka, Hanka Poliwody? Ja, tyn kradziok z Nikisza. Czegoś u mie szukoł, zaroz sie dowiym, fto go sam przisłoł. I niy godej mi, że to wszysko niy mo... Poczkej chwila...

"Przeca tyn gizd sam przed chwil?m jeszcze b?ł, jak to możliwe" - pomyśloł Hanusik. Tam, kaj ôstawił kradzioka Poliwody w kajdankach, ôboczył ino kajdanki leżeć na zolu. Kaj je tyn pier?n, jak ôn citnył? Bez dziurka ôd klucza? Przeca wszysko do sie wyerklerować na rozum... A możno ?uma miała recht? Możno s?m rzeczy, kerych na rozum sie niy do?

***

K?misorz Hanusik stoł wele chaupy na Nikiszu, w keryj miyszkała jego ?uma. Tak już mioł, że jak keroś sprawa wydowała mu sie za ciynżko, to jechoł do ?umy i pytoł sie ô jeji zdanie. Chocioż żodnymu na k?misariacie ô tym niy godoł, niyroz już tak b?ło, że ?uma Hanusikowo poradziła mu pedzieć cosik takigo, że ôroz zagl?ndoł na cołko sprawa z blank inkszyj zajty.

Ino że ?umy prawie niy b?ło w d?ma, a k?misorz niy wzi?n sie z chaupy klucz?w do jeji miyszkanio. "Na zicher poszła do Zielenioczki po żur" - pomyśloł i chci?ł poczkać, aże przidzie nazod. Jak tak stoł, ôroz zza winkla wyloz mody karlus, hip-hopowiec w tych jejich szerokich galotach i mycce ôblyczonyj do zadku. Jak szoł wele Hanusika i wachlowoł rynkami choby jakiś pit?my, zarapowoł mu:

- Widzisz wiyncyj, wiysz wiyncyj, tak to je mnij wiyncyj...

"Co to ale s?m za gupieloki, te hip-hopowcy" - pomyśloł k?misorz, ale zaroz pedzioł sie: "A może coś w tym je? Coś, czego jo niy widza, a co je blank blisko? Jak to ôbocza, to byda wiedzioł wiyncyj?". I zacz?n filować naobkoło. Po drugij str?nie ulicy, wele fotografa Niyszporka, stoła jakoś matka z bajtlym, kery mioł możno z piynć lot i durś robił larmo. Hanusik pomyśloł, że bajtel mo, tak jak i Pyjter Żymła, fest epno gowa.

- Zawrzij gymba - doradziła mu matka i durś klachała ze s?msiadkom.

"Sk?nd sie bierom takie nieusuchane, dopol?ne bajtle?" - pomyśloł k?misorz - "Żodnego sie taki niy boi. Jakby to b?ło sztyrdziści lot nazod, to skuli tego srogigo łeba zaroz kożdy by pedzioł, że na zicher podciep".

Hanusik za bajtla boł sie, że jak bydzie rojbrowoł, to przidzie po niygo bebok i go zebiere. "Ja, ale terozki żodyn już w podciepy, beboki i utopce niy wierzi, pra?". Ôroz we gowie k?misorza cosik zaświtało. "Egal! U ?umy zjym kołocz i napija sie kawy na drugi roz" - pomyśloł, wloz do autoka i pojechoł.

***

Tak mu sie mierzło, że we sztyry godziny wachowanio we autoku pod chaup?m J?zefa Walyncioka poradził zeżrić wszyskie klapsznity z kyjzom i dwa razy przegroł płyta ze śl?nskimi szlagrami. Prz?dzij stoł tukej Pyjter Żymła, kery zaś mioł prziś wachować wele jedynostyj na wiecz?r.

K?misorz pomyśloł, że z tym cichtowaniym to jednak gupie wynokwili, bo we chaupie durś b?ło cima. Walynciok popołedniu wloz niby rajn, ale potym jakby go niy b?ło. "Ale mo ruła", myśloł sie k?misorz i już sztaunowoł, coby ciepn?nć te wachowanie w pier?ny i pojechać sie na piwo do szynku.

Yntlich Hanusik doczkoł. Prezes wyloz z doma już po cimoku, trzi ćwiyrci na dziysi?nto. Terozki niy mioł już ancuga, ino ajnfachowy dres z kapucom na łebie, jakby szoł sie polotać na Sztauwajery. Hanusik zaroz szczyrknył do Żymły.

- Pyjter, widza go. Tak sie macoł, że jużech myśloł, że d?m mu pok?j. Idzie sie polotać. Cisna za nim.

- Dobra, chopie. Jo je fertich cołki czos. Jak co, to dowej znać - pedzioł Żymła, a k?misorz poznoł po godce, że je fest znerwowany.

K?misorz, choby ciyń, poszoł za Walynciokiym. Tak doszli nad stow. J?zef Walynciok siednył sie na trowie, a Hanusik siupnył za hasiokiym ôszprejowanym bez kibic?w. Wiedzioł, że Prezes czeko na kogoś, ino niy wiedzioł: na swoja ôfiara, abo na kogoś, z kim mioł sie trefić.

Ôroz stało sie cosik tak dziwnego, że k?misorz s?m do k?ńca niy wiedzioł, eli to mu sie niy śni. Z tyj zmaraszonyj wody wyloz chop. Niy b?ł ôblyczony choby nurek, wygl?ndoł wiyncyj jak normalny elwer. Mioł ziel?ny cwiter, a kudły tuste i poklejone ciaplytom. Na łebie mioł maszketno, czerw?no mycka, choby jaki hampelman. K?misorzowi zdało sie dziwne, że tako ważno persona jak Prezes WZZ "Hajer" trefio sie w nocy, na Sztauwajerach z ajnfachowym haderlokiym.

Hanusik lygnył sie za hasiokiym we chabaziach i staroł sie dychać tak cicho, jak ino poradził, coby niy przepasować nic z ich godki.

- M?m już tego doś! Tyś chyba ôgup! - pedzioł Prezes Walynciok - Ôziym trup?w? Ôziym? I myślisz, że żodyn sie niy kapnie?

- Jo tyż m?m doś, dyć skuli tego to robia - ôdpedzioł dziwny elwer-niy-elwer. - Wiela jeszcze m?my udować, że nos niy ma? Jak dugo jeszcze bydymy sie ich boć? To ôni maj?m sie boć nos, a niy my ich!

- Ciebie sie zdo, żeś je fest ôdważny, ale to niy ma żodno ôpowoga. To je gupota! Ty wiysz chocioż, kery m?my rok? Ciebie durś sie zdowo, że żyjymy sto lot do zadku, że utopisz jakigoś pamp?nia i żodyn go niy bydzie szukoł? Policja b?ła u mie wczorej. Krista zawarli, Hanek mało wiela tyż poszoł do wiynziynio skuli ciebie. Niy ma ci gańba?

- To w?m powinno być gańba, pier?ńskie k?nformisty - ôdpedzioł tyn w czerw?nyj mycce, jakby psinco sie robił z tego, co godo Prezes J?zef Walynciok.

- My sie dostosowali do nowych reali?w, ino ty jedyn niy poradzisz. Jo rozumia, s?m my solidarni. Ale czamu niy możesz robić tego po nowymu? Choby Paterples?

Hanusik pomyśloł chwila i sp?mnioł sie. Paterples Diving Center Ltd! B?ła to firma, w kerej szło borgn?nć sprzynt do nurkowanio. Pora lot nazod b?ło w cajt?ngach mocka larma skuli firmy i włościciela, Hajnela Paterplesa. Poru klijynt?w utopiło sie, jak nurkowali. B?ły podejrzynia, że sprzynt b?ł felerny, ale psinco k?mu udowodnili. Ôroz wszysko zaczło sie ukłodać k?misorzowi we gowie.

- Paterples to konformista, genau taki s?m, jak i ty. Kej żeś ôstatnio sjechoł na d?ł na grubie? Spodobały ci sie gabinety, mobilnioki i sekretarki, prowda, panie Prezesie? Wiysz, że terozki ani baby hajer?w niy godajom im "szczynśliwo", jak id?m do roboty? - dziwny chop w czerw?ny mycce godoł coroz głośnij.

- S?m inksze czasy, kożdy z nos sie musioł dopasować. A ty ino auflaufu n?m narobisz.

- A co wy z tego mocie? Poloki sam przylyźli i co? Ftoś nos mo w zocy? Ftoś ô nos pamiynto? Nawet bajtli sie ô nos niy uczy! Wiysz ô czym bajtle sie uczom? Ô złotych kaczkach i smokach wawelskich. Takie pierdoły! Myślisz, że keryś z tych ôźmiu, co żech ich utopił, skapnył sie, fto jo je? Do k?ńca żodyn niy wiedzioł! Zrobili zy mie ajnfachowego mordyrza.

Hanusik słyszoł już za tela, coby wylyź z chabazi?w.

- Stoć, policyjo! Dźwigać rynce, szlus. Aresztuja wos. Tego hampelmana za seryjne mordy, a wos, Walynciok, za...

- Niy, chopie, to niy ma tak ruk-cuk - Hanusik usłyszoł ze zadku głos, kery sk?ndś znoł. Ôbr?cił sie i ôboczył za sobom stoć swoigo partnera, Pyjtra Żymły. Ino, że pistoula Żymły niy b?ła ucylowano we Walyncioka i jego kamrata, ino we k?misorza.

- Pyjter, czyś ty ôgup? Jo już wszysko wiym! Tyn we czerw?nyj mycce prziznoł sie do mordowanio, a Walynciok ô tym wiedzioł - pr?bowoł tuplikować k?misorz.

- Jo tyż to wiedzioł, Achim, i to downo. - pedzioł Żymła - Niy gorsz sie, chopie, cołkie życiy żech chcioł udowodnić, żech je taki s?m, jak wy. Ale niy, jo żech je jedyn z nich. I jo ich, chopie, rozumia.

- Ty? Ty giździe! To jo żech sie skuli tyj twojij epnyj gowy proł z chacharami na placu, coby na ciebie niy godali "Telewizor", a ty mi terozki tako n?mera robisz? Ale żech sie chachnył! Ty..., ty..., ty podciepie pier?ński!

- Ja, jeżech podciep. Zawdy żech nim b?ł. Ino jedna Żymlino sie kapła, żech niy ma jeji bajtlym. Jak mie wtynczos prała kloprym, to już hnet moje mieli prziść p? mie, ale milicjanty b?ły gibcij. No i ôstołech tukej, chopie, ale zawdy b?łech inkszy. Nigdy żech sie sam niy czuł choby u siebie.

Znać b?ło, że tyn coming out Pyjtra fest go sztresowoł, bo durś ôbciyroł pot ze swojij srogij gowy.

- Dobra, Pyjter, szczylej i do wody z nim - pedzioł chop w czerw?nyj mycce. Sytuacjo zrobiła sie fest naszpanowano.

- Niy, niy, poczkej! Achim to je m?j kamrat, jo mu to chca wytuplikować - pedzioł Żymła - Pomyśl, Achim. Niby je r?wnoś i demokracja, pra? Co dziysiynć lot, chopie, Poloki robi?m tyn sw?j spis powszechny. Myślisz, chopie, że tam idzie zadeklarować, że ftoś je utopcym choby Ernest, abo podciepym jak jo? Katać! Przeca nos ôficjalnie niy ma. No, to co my zrobili? Zadeklarowalimy, chopie, że my s?m Śl?nzoki, gynau takie same jak i ty. I co sie ôkozało? Poloki pedzieli, że Śl?nzok?w tyż niy ma! Niy ma! Poradzisz to spokopić?! Jo rozumia, że ftoś może niy wierzić w podciepy i utopce. Ale we Śl?nzok?w? No to fto jo, chopie, tak po prowdzie je?!

- No, ja, to niy ma fajne - prziznoł Hanusik.

- Ernest już niy strzimoł. Nojprz?d zebrali mu jego przestrzyń życiowo. Miyszkoł sie normalnie we Rawie, a ône zaczli sam stowiać jakieś bulwary. Trudno darmo, przekludził sie na Sztauwajery. Wtynczos bajtlom pedzieli, chopie, że go niy ma. Niy ma śl?nskich stworok?w żodnych, bo po co? Lepij fandzolić ô jakichś goblinach, elfach. Kaj fto widzioł sam na Śl?nsku goblina abo elfa? Ernest je chop spokojny, ôn sie, chopie, niy nerwuje jakoś ekstra gibko. Ôn by sie pogodził z tym, że zakozali mu utopkowygo życia, kere mioł we Rawie bez sztyrysta lot. Ôstołby sie normalnym Śl?nzokiym. Ale jak mu pedzieli, że Śl?nzok?w tyż niy ma...

- Dobra, Pyjter, jużeś mu wszysko wyerklerowoł. Terozki i tak muszymy go zabić - ôdezwoł sie karlus w czerw?nyj mycce mianowany Ernestym.

- Przebocz, Achim. Niy m?my wyjścio - pedzioł Pyjter.

- Achim! Co ty sam robisz ô tyj godzinie? - k?misorz ôroz usłyszoł głos ?umy Hanusikowyj - I kogo jo widza, Pyjter?

- ?umo, pier?nie, co ?uma sam robiom ô jedynostyj w nocy?! - Hanusik bez momynt przepomnioł ô pistouli podciepa.

- S?m żeś godoł, że terozki s?m inksze czasy - ôdpedziała ?uma - B?łach na klachach u mojij kamratki, kero tukej miyszko... O, tyś tyż tukej je - ôboczyła Prezesa Walyncioka i ôroz pomiyniała sie na gymbie.

- Witom wos, Hanusikowo - pedzioł Prezes i znać b?ło, że je mu k?ncek niypeć.

- ?umo, sk?nd wy go ale znocie?! - k?misorz zrobił ślypie wiele choby kartofle.

- Downe dzieje, fest downe - pedzioł Walynciok - Suchejcie, k?misorzu, mocie dzisiej szczynście. Jo m?m wasza ?uma fest w zocy. Ale lepij do wos bydzie, jak żodnymu nic niy powiycie, coście tukej ôboczyli, ja? Nojlepij, jak byście przepomnieli ô tym wszyskim. - Ôbr?cił sie do kamrat?w - Chopy, idymy!

Prezes Walynciok, Żymła i Ernest w czerw?nyj mycce znikli we cimoku. Hanusik czuł, że nic niy poradzi spokopić z tego wszyskigo. Abo radszy czuł, że spokopić by poradził, ale wtynczos musiołby wszysko poukłodać sie w łebie ôd nowa, wszysko, czego sie bez c?łkie życie nauczył.

- No i po ptokach - pedziała ?uma Hanusikowo - Idź, synek, wyśpij sie. Ôstatnie tydnie miołżeś fest ciynżkie.

***

Sprawa ôźmiu trup?w ze Sztauwajer?w b?ła zawarto. Rano k?misorz Hanusik napisoł raport z tego, co sie pochało w nocy wele rzeki. To musioł być, wiad?mo, jedyn z tych raport?w, kaj prowdy napisać niy szło. W tym raporcie stoło, że J?zef Walynciok, potynżny Prezes WZZ "Hajer", zamordowoł ôziym ludzi i chci?ł zabić Hanusika dziewi?ntego, tela ino, że policaj Pyjter Żymła go sztopnył. Pech chci?ł, że przi chaje ôba wlecieli do stowu, a trup?w żodyn niy znod i na zicher terozki robiom już za waserflyje.

Krista Połedniok dostała wyrok w zawiyszyniu i ponoć pojechała nazod do siebie, na wieś. Kradzioka Hanka Poliwody tyż żodyn wiyncyj w mieście niy widzioł.

K?misorz Hanusik napisoł raport, zawar k?mputer i pomyśloł, że po robocie dobrze bydzie z?nś do szynku. Na piwo, abo i na sznapsa.